ف كل يوم .. كل يوم , ياخدني الجهل من ايدي , يزود ملحُه في الاكل اللي باكله وفي الكلام اللي اسمعه ف كل حكاية مِل حكايات , ياخدني الجهل مطبخه .. ياخدني واعيش في تلاجة.. مريض , معزول ولوني لون دِما زرقا من كتر ماتبَلِّدت , ايوه لسه الغضب في القلب باقي , لسه قلق علي يوم جديد , "قلق" جديد , قلق علي فكرة مصحصحة , قلق , لكن السنين مَحِت الخيال بخيال , محت القلق والسؤال , في كل يوم .. قصيدة , في كل يوم ..كلام , في كل يوم اغضب , امسك قلم وفرشه ارسم حركة ومشاهد ابني بديكورات مشاهد واصمم الاحوال واعمم الادوار , الَوِّن العالم الوان انا اختارها , واكون كداب " كبير" لو قلت بصنعها , في كل يوم اكتب , اهرب في اوراقي , في كل يوم .. ارسم , امارس الالوان , افَرَّق الفُرقة واغرَّب المكان , اعيش ولو ساعة في دنيا فيها حب , مخلوقة من افكار نفسها فعلاً تحب , في كل يوم .. بلعب اشكال لعب والاعب الالعاب , األٍّف اللعيبة واألِّف اللعبة , وف يوم هَيجي ..افوق .. اقلق قلق بحق " اقلق قلق بحق " , اجَرَّأ التمرد يغرَّق الورق , يعمل ثورة قلق
مقطع بعنوان " كل يوم "
من المسرحية الغنائية " ثورة قلق "
فرقة " الطمي واحد والشجر الوان"
تأليف وأخراج : سلام يسري
