الخراء هو بالداخل

هنا زي هناك , مهما المكان بعد والناس قلّت , مهما كانت الصحبة أفضَل مع الوَقت واقرَب , في النهاية انت شايل نفسك ماشي بيها , في آخرك من فوق جحيم فيه عيون وودان ولسان , لسان بيسد ويكتم , هنا زي هناك زي أي مكان لأنك هنا وهناك وفي كُل حته , انت موجود , احا " موجود " , حقيقة بنت وسخة تجري منها مهما تجري هتلاقيها في وشّك مافيها فصال ولا منها هروب , " موجود " , حقيقة لا ينفع معاها تدليس ولا تخْبِية , لا تعرف تنشغل عنها ولا تتعايش معاها , حقيقة ماتشفُش منها غير اللي يفشخَك , أو تغمي عنيك فا ماتشُفش , أو تتبوّل علي دماغك تطفيها وتعيش قذِر , قذارة وخيانة , بس لو بإيدي كان حصَل , اغتيال وطَفي نار وقذارة وخيانة , شُغل كتير , فلوس كتير , بيت كبير , عيال كتير , خروجة مع المدام آخر كل أسبوع في مكان مختلف , عيلة وعيلة من الصحاب , صديق ومراته ومعاهم كمان صديق ومراته , عيالك وعيال غيرك , تلفزيون جديد أكبَر , تلاجَة أفضَل , أسبوعين صيف بعد تفكير ومقارنة أسعار شرم غردقة اسكندرية دهب , ترجع مبسوط كرب اسرة ناجح محبوب من حماته مقبول من مراته شكله كويس وسط خلاته واهله , طبق الأصل

مايتقال عليه غير شذوذ , بين ناحيتين , بيبني في حته مش عاوزها ويهدِم يكسّر في حتة تانية , يبني في حدود وأسوار , يكسّر في خشب ويرميه في الولعة

شوية وهبقي عامل بُنا أخرَس هفضل أعلّي في البنا وفي الآخر هطلع ارمي نفسي من آخر دور